Sodam Chicken (已結業)

之前有人向我介绍哩间炸鸡唔错，有时间可以去食下，咁岩早排要去中环开工，约左朋友去哩到食饭，店内装修以黑色为主，灯光比较柔和昏暗营造出宁静气氛。炸鸡口味大约有12款，款款都好想试，真系花多眼乱，最后拣左双重芝士炸鸡。蜜桃水果茶($38)，饮品先上场，够冰冻透心凉，味道清淡再配上椰果粒岩岩好。双重芝士炸鸡($175)，主角出场喇，炸鸡约有10件，唔油腻，隔油纸上冇油渍，鸡全翼和鸡腿系最好食，鸡肉嫩滑有肉汁，面层d芝士粉咸咸甜甜好惹味，这口味不可不食。墨鱼仔辣炒年糕($138)，好多年糕，味道系酸酸辣辣，口感烟烟韧韧。鱿鱼圈拼薯角($65)，薯角内外够热，两样都好香口，泰式辣酱够多够满。