NeNe Chicken (大埔超級城) (已結業)

NeNe Chicken嘅炸鸡其实系我心目中都占有一个不错嘅席位，因为老实讲坊间有唔同嘅炸鸡店，但大多数都会炸到件炸鸡好干好鞋，但我食过几次NeNe Chicken都觉得佢嘅水准真系唔错，所以近排见到佢又出新嘢当然要试吓啦。今次同朋友就点咗节日限定套餐，当中佢嘅套餐有多款食物同埋包埋嘢饮非常抵。前菜一坐底店员已经非常贴心放上前菜，当中有泡菜同粟米。 炸鸡半份呢个套餐可以选择唔同口味嘅炸鸡，今次我就拣返我超钟意食嘅初雪炸鸡，特别一赞佢嘅炸鸡食落去真系非常多肉汁，绝对唔会干身。NeNe 芝士火锅套餐内原来仲有呢个芝士火锅，当中佢会包埋面包条，真系好有节日气氛。脆炸紫菜虾卷本身我个人好钟意食紫菜卷，今次见到呢个紫菜卷嘅加强版更加令我心心眼，紫菜卷内有多款材料，外脆内软每一啖口感都相当丰富。芝士炒年糕伴拉面呢个拉面份量都几多，入面随咗有年糕之外仲有不同嘅韩式鱼糕以及超多芝士，这个味道很正宗相当惹味。套餐仲包咗两杯$58或以下饮品整体佢嘅特饮卖相都唔错，而呢个套餐其实都非常抵食。