快樂蜂 (黃埔天地)

营业中

休息中

同同事倾开「批」，佢即刻推介呢间比我，仲讲到好好食啦，好脆啦，不断讲讲讲讲讲到我都嚟试下有几好食。相信大家都食开或者食过三个英文字果间炸鸡店，所以食呢间一定会同三个英文字果间比较一番吧！一入门口抬头，餐牌一目了然，好快就决定到食咩「炸鸡餐跟薯蓉，饮diet Pepsi，另外加一个芒果桃批丫唔该」，同另外快餐店一样都系跟单号取餐，人唔太多，所以好快就有得取餐喇。位有好多选择，二人枱，四人枱，大枱，几好！坐低后已经急不及待拎起件鸡食喇，哗！辣手呀⋯⋯热到拎唔到啰，哈哈。炸鸡跟只gravy（肉汁），第一次试咁样既配搭（因为我多数都系点茄汁），都几正，不过最正系旧鸡真系好热好脆唔油但又唔干，真系脆到痹。另外薯蓉系好少，同样都系果只肉汁，但系好味过三只字果间既薯蓉既。最后食埋个甜品「芒果桃批」，原来好细件，不过系好食既，个酱系好香架。