麻辣風雲 (京都廣場) (已結業)

又到左跟朋友食好西嘅时候。整体来讲都唔错！环境方面啲枱真系密质质既，但系坐落正正常常都觉得舒服嘅，只系应该咁啱我坐喺风口位非常之冻😂餐具方面都几特别，拣咗啲山水画嘅系列，特别要讲一下前菜嘅花生同埋中华沙律都几好食！鸡丝粉皮方面，正常发挥！唔会话去到非常之特别但系绝对系稳阵之选，平时钟意食鸡丝粉皮嘅朋友一个都值得推介！望住个饮品餐牌有少少谂唔到饮啲咩，最后好似叫咗个杨枝甘露定系点，你杯饮品睇落形状怪怪的，再加上因为佢系一个胶杯，再插着最传统嘅饮筒，不期然令我觉得其实好似饮水比较好😅但系公平来讲大约系合格位置嘅！一定要叫！首先腾云驾雾𠮶种豪气嘅登场够晒打卡非常杀食，其次系啲炸馒头真系高质素，加埋炼奶不得之了！炼奶份量唔算好多，大约系可以沾点每一个馒头嘅底部，庆幸嘅系我呢啲要将炸馒头浸喺炼奶度嘅食法，员工都好好会可以比多一碟炼奶！蔬菜类来讲，食辣嘢嘅地方绝对唔少得四季豆（个人谂法啦）但系我真系好钟意食四季豆！呢一间餐厅嘅四季豆高分！清碟😅呢个红油抄手莫名其妙嘅唔好食，个人认为问题出咗喺入边嘅馅料。有种唔知点形容嘅奇怪味道。好味！不知不觉就会食晒！