SupBurwich (已結業)

我同我男朋友都劲钟意食香蕉㗎，今日行过大角咀见到有一个宣传单张写住炸香蕉脆$39有三件，除翻开只系$13蚊1件😏我哋见咁平就谂住拎呢一个当作小食👅另一款小食我哋就叫咗炸鸡翼，见前面有好几台客都叫咗呢款炸鸡翼我谂应该系热门之选，见啲鸡翼都几大只炸粉唔会太厚所以我哋都叫咗一份💓最紧要梗系个主角啦💁🏻‍♀️松露蘑菇芝士牛堡。面包皮有轻轻烘烤过，香脆之余仲要牛肉好Juice好多汁，好有咬口㗎。成个包由头食到落尾都依然系漏汁漏脚趾尾🤣即叫即整大概等咗15至20分钟左右，保证热辣辣。呢间外卖店嘅价格我认为唔算太贵，始终食物较为高质素，下次会再嚟💋