影片
更多
2016-01-18
946 浏览
友人C小姐叫大家去开饭，揾埋C阿叔加F小姐，连同肥柑子一行人四人去左观塘开餐。观塘呢...D人去开APM或者成业街揾食就多，但去到另一边揾食就真系比较冷门。始终果度开左好多食肆同埋天桥马路既影响，已经截左唔少人龙，不过近期都叫过两次骏业里以西揾食既。言归正传，今次食既就系鱼、仲要系炸鱼，天气冻食炸野零舍过瘾。去到商厦门前，出升降机时，已经睇到大大只字FISH&CHIPS X_X… FISH & CHICK+先系...呢间小店，入到去装潢以简约为主，以朴素既英伦为主格调，地面同墙都以单色系列配搭，形造出令人自然舒服既感觉。开放式厨房睇到两个巨形旋转式烤炉，入面可以即场睇到烤鸡过程，保证D鸡系即场烧烤而唔系微波炉出品。我地坐低之后，靓仔侍应好快咁黎serve我地，同埋介绍下佢地既鱼畀我地知道，我地4个人其实对于鱼类都无乜认识，果个C阿叔虽然有住过系英国以为会好熟D鱼但都系无乜意见个只，最后都系交番畀店员帮我地决定食乜款鱼。我地点左冬日套餐，首先上场既系烟三文鱼沙律同埋栗米汤。烟三文鱼沙律各项配料都好新鲜，清新口质既菜同有少少浓味既烟三文鱼非常之夹味，食完先令个胃醒一醒，份量适中而大家都觉得
观塘呢...D人去开APM或者成业街揾食就多，但去到另一边揾食就真系比较冷门。始终果度开左好多食肆同埋天桥马路既影响，已经截左唔少人龙，不过近期都叫过两次骏业里以西揾食既。
言归正传，今次食既就系鱼、仲要系炸鱼，天气冻食炸野零舍过瘾。去到商厦门前，出升降机时，已经睇到大大只字FISH&CHIPS X_X… FISH & CHICK+先系...
呢间小店，入到去装潢以简约为主，以朴素既英伦为主格调，地面同墙都以单色系列配搭，形造出令人自然舒服既感觉。开放式厨房睇到两个巨形旋转式烤炉，入面可以即场睇到烤鸡过程，保证D鸡系即场烧烤而唔系微波炉出品。
我地坐低之后，靓仔侍应好快咁黎serve我地，同埋介绍下佢地既鱼畀我地知道，我地4个人其实对于鱼类都无乜认识，果个C阿叔虽然有住过系英国以为会好熟D鱼但都系无乜意见个只，最后都系交番畀店员帮我地决定食乜款鱼。我地点左冬日套餐，首先上场既系烟三文鱼沙律同埋栗米汤。烟三文鱼沙律各项配料都好新鲜，清新口质既菜同有少少浓味既烟三文鱼非常之夹味，食完先令个胃醒一醒，份量适中而大家都觉得足够，栗米汤方面，我个人其实极不喜欢栗米及加入栗米既食物，饮左几啖后，发觉绝非X宝牌栗米汤咁难饮，Cream既程度唔高，唔会好似粥咁沌住，而栗米味亦够得黎唔会凝系个口太耐，有心机去煮个汤。不过用杯去饮汤就真系唔方便，饮到一半后，一定要用一只手去啰杯，而最后仲要啰起只杯打侧晒先饮得完，其实唔系咁方便食客。
烟三文鱼沙律
$65
149 浏览
0 赞好
0 留言
个套餐包野饮，我就叫左个姜汁梳打，柠檬汁加梳打水，入面好似仲有少少苹果汁味道，而佢入面有好多姜榨，自家磨完加入去，饮落唔算太辣口，辣度刚刚好，如果钟意饮姜味野，但又想甜甜地既，呢杯饮品系一个唔错既选择。
柠檬梳打姜
$38
290 浏览
0 赞好
0 留言
铁板炒鲜鱿鱼
$80
53 浏览
0 赞好
0 留言
白酒汁煮蚬
$100
52 浏览
0 赞好
0 留言
橄榄油炒香蒜片辣椒意粉
$78
43 浏览
0 赞好
0 留言
讲过鱼先，好厚，但真系好鲜，个脆皮好似薯片咁脆，卡卡声，块鱼肉熟度100分，鱼肉嫩滑多汁，配以柠檬汁除去少少鱼腥味，更易入口。伴碟既粗薯不过不失，之后再多盘幼薯，发觉幼薯较为好食，粗薯唔系差，但口感唔够幼薯脆，食炸鱼配幼薯会正d。
比目鱼炸鱼配粗薯
$130
42 浏览
0 赞好
0 留言
炸幼薯
$45
35 浏览
0 赞好
0 留言
烤半鸡加炒蘑菇
$90
27 浏览
0 赞好
0 留言
一言闭之，红萝卜蛋糕好好食，唔腻，好松软，唔需要刻意夹雪糕都好正。(雪糕系Mo牌黎架)，必食推介。其他两样可以一试。
自家制红萝卜蛋糕配雪糕
$65
31 浏览
0 赞好
0 留言
奶冻
$50
24 浏览
0 赞好
0 留言
题外话/补充资料：
餐厅侍应好好服务，食完会马上帮你收走餐盘方便上另一道菜，上菜时会好细心介绍道菜，非常有心。
(以上食记乃用户个人意见 , 并不代表OpenRice之观点。)
张贴
