梧桐館 (已結業)

今日同男朋友去坚尼地城拍拖睇海景饮咖啡，无意中行过呢间粉面店，入去之前其实我哋都系OpenRice睇过好多嘅评论，但当时真系好肚饿，所以都决定抱住中伏嘅心态入去试一试，我同男朋友每人嗌咗一碗，紫菜四宝同埋紫菜三味，仲嗌咗佢哋舖头嘅招牌炸鱼片，炸鱼片食落好特别，啲鱼肉好滑同出边食嘅炸鱼片唔同😍点少少辣椒油已经好辣。😫其实喺出边食粉面嘅舖头，一系就好迫，一系就好细，一系就好污糟，呢间梧桐馆听隔离街坊讲开咗唔系好耐，环境卫生都尚算可以。仲有一点嘅系我见OpenRice好多人话啲员工服务态度唔好粗声粗气，反而我觉得佢哋嘅服务态度几好，都唔系评论所讲服务态度差，啲员工都好热情，我哋买单走嘅时候，收银哥哥见我哋枱面都仲食剩猪手同埋牛筋腩，都问我哋要唔要个盒打包拎走，因为我哋住九龙区，所以都唔想拎住返去，所以就冇打包，成个过程我觉得服务态度冇问题，嘢食都冇问题，下次会再嚟，真心推介！😜