Fryers (已結業)

今日同阿仔去完K11剪头发，佢话要食薯条(佢应该误会咗系K11 Musea😅)，于是就search吓附近边度有薯条食，就揾到呢一间位于K11后面白兰轩道新开嘅Fryers。店舖装修以蓝色作主调，主要系做外卖生意，不过亦都会有预留空间俾食客坐吓或者立食。店舖刚刚新开，所以未有太多选择，目的就系想专心做好佢哋嘅招牌菜，贵精不贵多。喺外面亦都可以清楚见到厨房嘅环境，非常干净企理，绝对食得安心。阿仔要求，当然要叫炸鱼薯条，Regular size就有一件炸鱼，炸鱼同薯条都系新鲜炸起，薯条份量都唔少，我负责食炸鱼，阿仔就负责食薯条。其实我本身对于呢类炸鱼嘅兴趣都系一般，因为出面好多都系用厚厚嘅粉浆包住薄薄嘅鱼柳。但Fryers嘅炸鱼真系令我觉得喜出望外，佢嘅炸粉真系好薄身，入面嘅鱼柳肉质非常嫩滑，而且里面一丝丝嘅鱼柳仍能保持住肉汁，口感媲美又香又滑嘅蒸鱼。除咗招牌菜炸鱼薯条之外，呢度都有意粉供应，肉酱意粉嘅肉酱非常惹味，而且份量非常多，上面再洒上芝士碎同香草，食起嚟更加香口。阿仔仲话想食炸鸡块，呢个真心有惊喜，因为开头以为只系麦乐鸡之类嘅炸鸡，原来佢系啖啖真鸡肉，外脆内嫩，非常Juicy！最后我