李家 (山林道)

营业中

休息中

去完韩国旅行之后最挂住就系炸鸡，最近聼人介绍【李家】既炸鸡好出名，所以就去左试。【李家】都有几间分店、今次就去左山林道分店。自选半半炸鸡：有超过10款味道任君选择、仲可以任选任何半半搭配。有有骨同无骨选择。我就叫左芝士炸鸡同粟米炸鸡。芝士炸鸡芝士味浓郁、而且用左两款芝士、咸甜交织。粟米炸鸡有粟米同粟米片，非常特别。炸鸡有少少粟米味、但唔系特别浓、可能比起原味炸鸡多少少甜味。年糕饺子汤：非常新鲜热辣、饺子同年糕都算分量好多。汤底加左紫菜，而且唔会好咸。非常暖胃舒服。饺子非常饱满。西柚梳打：气好足同炸鸡好match，又唔会太甜。