滾得棧

营业中

休息中

記得之前有講過剛係尖沙咀開分店嘅滾得棧，不嬲都知佢天后店有點心食，但咁耐都無食過，無諗過呢度咁快可以同樣供應點心，一嘗心願。星期日下午，十二點好彩唔算多人，可能仲未多人知，順便幫朋友媽媽慶祝生日。第一樣野要講一定係傳統灌湯餃，呢種傳統做法香港已經唔多見，唔係平時成碗湯咁，剩係呢點已經知佢好心機，老人家見到都有好多回憶。之前係某餐廳見過嘅脆炸墨蝦荔枝球，做得非常精美，蝦肉嘅爽滑同墨魚嘅鮮香，絕對又係心思之作。我個人最覺得正嘅係青芥脆蝦小漢堡，聽師傅話佢係手工製，就算飽加上芝麻呢個過程都係自家，見上少少wasabi，味道剛剛好。鮮上肉響鈴腸又係超正，腸粉入面加上響鈴同其他食材，就咁睇都知好要心機，仲要個響鈴keep住好脆，不能錯過。冬筍活剝鮮蝦餃同黑松露蒸燒賣，我都唔知選邊個好，蝦餃好大隻，啲蝦多到湧出黎，朋友B先生大讚黑松露蒸燒賣嘅味道勁獨得，不過要我選擇還是蝦餃好。仲有好多點心都值得讚，大家下次去尖沙咀飲茶要試下去火鍋店呢個唔多人知嘅飲茶彩蛋。