滾得棧

营业中

休息中

记得之前有讲过刚系尖沙咀开分店嘅滚得栈，不嬲都知佢天后店有点心食，但咁耐都无食过，无谂过呢度咁快可以同样供应点心，一尝心愿。星期日下午，十二点好彩唔算多人，可能仲未多人知，顺便帮朋友妈妈庆祝生日。第一样野要讲一定系传统灌汤饺，呢种传统做法香港已经唔多见，唔系平时成碗汤咁，剩系呢点已经知佢好心机，老人家见到都有好多回忆。之前系某餐厅见过嘅脆炸墨虾荔枝球，做得非常精美，虾肉嘅爽滑同墨鱼嘅鲜香，绝对又系心思之作。我个人最觉得正嘅系青芥脆虾小汉堡，听师傅话佢系手工制，就算饱加上芝麻呢个过程都系自家，见上少少wasabi，味道刚刚好。鲜上肉响铃肠又系超正，肠粉入面加上响铃同其他食材，就咁睇都知好要心机，仲要个响铃keep住好脆，不能错过。冬笋活剥鲜虾饺同黑松露蒸烧卖，我都唔知选边个好，虾饺好大只，啲虾多到涌出黎，朋友B先生大赞黑松露蒸烧卖嘅味道劲独得，不过要我选择还是虾饺好。仲有好多点心都值得赞，大家下次去尖沙咀饮茶要试下去火锅店呢个唔多人知嘅饮茶彩蛋。