大快活 (已結業)

5月12日同屋企人去左大澳,回程的車上,問大家想晚飯食咩,家姐個仔話好想食粟米肉粒飯,仲要係指定去大快活食添呀,依家3歲的人仔都已好老成,我地就去左呢度啦,但係冇粟米肉粒飯喎,只有粟米班塊套餐,跟住各人叫左一個黑松露雞扒意粉,一個咖喱牛腩飯,一個韓式石頭鍋飯.我地都唔係特好耐就可以食得,但係粟米班塊套餐等左好好好耐,應該係漏左單呀! 咖喱牛腩飯都唔係好辣,都幾香咖喱味道,牛腩好淋身入味,薯仔都好粉架,正喎. 飯都算大碟,媽媽的石頭鍋飯有隻雞蛋係面,跟住有些肉碎,芽菜及醬,都好香口,原來係泡菜嚟架,媽媽話有點辣,不過都好味的,跟一杯凍檸蜜. 家姐的雞扒黑松露都好大份,雞扒好大件,有些西蘭花,個黑松露汁加意粉都好香,意粉ok唔太淋,雞扒都好滑身好味.等左好耐既粟米班塊有一碟粟米班塊,一碗飯,一杯熱茶,還有一碗湯,粟米班塊都好香口好味,魚肉都幾滑,粟米汁如果再多d更加好味,家姐個仔食到津津有味架.