美都餐室

营业中

休息中

想黎呢间怀旧feel既冰室好耐, 今日行完Elements就行过黎食晚饭。入到去, 待应哥哥指住张枱叫我地坐, 我问佢楼上得唔得, 因为楼上可以望到多d街景, 佢都好好人咁话"好呀"。楼梯级好窄, 楼底好矮, 我挂住望d纸皮石墙, 争d就撞亲个头! 莲子红豆冰 $25 今次系为左呢杯莲子红豆冰而黎, 莲子占左个杯差唔多三份一, 粒粒都好粉, 冇苦涩味。 涷柠茶 $18 大少贵为涷柠茶精, 一饮就话劲! 因为茶味好香好浓, 柠檬好新鲜。 焗排骨饭 $48 唔想食焗猪扒饭咁啖啖肉, 所以叫左焗排骨饭。d排骨炸得好脆, 虽然个茄汁献色水麻麻, 但都算系好好食。 味菜牛柳丝炒面 $48 冇谂过佢个面烘得咁脆口, 食到最后一啖都仲系脆既。个献都唔算杰, 适中, 不过牛柳丝可能因为落多左松肉粉, 变左冇咩肉味, 好在都仲系好滑唔鞋口。