新贊記點心皇

营业中

休息中

放假想瞓晏啲，但屋企长辈又想去饮茶？好彩依家多咗好多点心茶餐厅，真系由朝食到晚黑都得。嚟到太子嘅新赞记点心皇，点心全部即叫即蒸，食物出品唔错，价钱又抵，又唔使加一，就连长辈都话正！赞记虾饺皇晶莹嘅虾饺皮包住大大只嘅鲜虾，份量十足，爽口弹牙。鸳鸯烧卖新赞记点心皇嘅烧卖，有牛肉烧卖同鲜虾烧卖，叫鸳鸯烧卖就两款都可以食晒。鲜虾烧卖除咗新鲜弹牙，馅料仲加上冬菇，令味道多咗一份层次。酱皇蒸凤爪凤爪吸收晒豉汁嘅香味，够晒入味，又够软腍。牛肉球牛肉、马蹄、芫荽、陈皮等制作而成，再加上喼汁调味，口感弹牙，味道充满层次，但最正当然吸收晒牛肉香嘅腐皮。珍珠糯米鸡糯米饭渗透住淡淡嘅荷香味，入边包住咸蛋黄同猪肉，够晒饱肚。香煎萝卜糕萝卜糕煎得干身又够香脆，啖啖都有萝卜丝、腊肠、虾米，非常满足。蜜汁叉烧肠肠粉皮非常嫩滑，加上叉烧蜜汁嘅味道、芫荽嘅香味，而且系新鲜叫即叫即蒸，好好味。