3rd Space (已結業)

舖头细细，有10几个位，木系装修好啱打卡，系位置偏僻啲。星期六三点左右去食下午茶，当时人唔多，店员告知60分钟用餐时间、最低消费$90。听到60分钟用餐我已经呆一呆，仲要系非繁忙时间都有用餐时间。坐低认真睇吓餐牌，发觉一个班戟$85(未加一)，换言之好大机会单叫班戟要叫杯嘢饮。*24小时浸煮鲜豚肉角煮慢煮蛋谷米茶渍饭 $120角煮豚肉系厚片猪五花，有三大片，带超浓酱油香，肉质软腍，瘦肉肥肉半半，入口唔会过油。温泉蛋煮到啱啱好，滑嫩流心。茶渍饭当然要有茶同饭，饭偏硬，米香略淡，自己将茶倒入饭碗，茶味淡又唔香，完全俾酱汁香掩盖咗。招牌烧海盐忌廉麻糬班戟 $85班戟有好多味道可以拣，我拣咗伯爵茶。班戟厚身，质感介乎日式梳乎厘班戟同美式班戟之间，有啲份量但唔会觉得厚实，size偏细，单食班戟茶味偏淡，配埋其他配料水果就会食唔到茶味。中间有黑糖麻糬，少少甜，烟韧得嚟唔会似鼻涕嘅质地，面头仲有少少吉士酱，带蛋香但偏甜。北海道牛奶雪糕溶得好快，奶味香浓，配热班戟一流，但奶味会掩盖班戟茶味。