影片
更多
2018-01-15
1476 浏览
冷雨天过后终于艳阳回归。这个冬天其实相当和暖，天清日朗的日子占多，益晒D行山客。感觉香港近年行山人士日益增多，郊野山径不再是退休人士嘅独享，年轻人，小朋友，男男女女，成群结队，甚至大陆客亦经常碰到。冷颤过后暖阳高照的周末又怎容怠慢？梅子林往北港，这是我偏爱的路径。一路行一路倾，朋友讲到呢几年学养生，运动做多咗，饮食习惯亦随著改变，月中都会有几日食下素，时下嘅素菜馆愈来逾多，亦愈来愈多元化。讲到食呢个话题，可能系因为快到山脚，个肚开始指挥个脑啩？西贡唔知咁啱有冇素食餐馆呢？上网search下先！系有嘅，之不过唔系斋铺，系西餐厅有素食啫。讲开又讲，喺西餐厅一般系比较容易喺肉食林立中揾到素食人士嘅需要嘅。快到市中心，无心被隐藏喺一棵大树后的白色西餐厅吸引到，树下放著餐牌，睇睇先…哇，乜咁啱，竟然零零舍舍有个veg menu, 选择仲唔少添！我同朋友个肚同个脑同时话，就呢间啦！西式斋对比中式，系比较多天然嘅色彩，红菜头，菠菜，紫椰菜，各种沙律菜，蘑菇，呢D都可以同各种主食组合出缤纷靓丽的配搭，加上忌廉，芝士，榄油，黑松露，相信不难煮出一道色香味俱全的素菜吧。这只是我在等食过程中吹水时的幻想是日
冷颤过后暖阳高照的周末又怎容怠慢？梅子林往北港，这是我偏爱的路径。一路行一路倾，朋友讲到呢几年学养生，运动做多咗，饮食习惯亦随著改变，月中都会有几日食下素，时下嘅素菜馆愈来逾多，亦愈来愈多元化。
讲到食呢个话题，可能系因为快到山脚，个肚开始指挥个脑啩？西贡唔知咁啱有冇素食餐馆呢？上网search下先！系有嘅，之不过唔系斋铺，系西餐厅有素食啫。讲开又讲，喺西餐厅一般系比较容易喺肉食林立中揾到素食人士嘅需要嘅。
快到市中心，无心被隐藏喺一棵大树后的白色西餐厅吸引到，树下放著餐牌，睇睇先…哇，乜咁啱，竟然零零舍舍有个veg menu, 选择仲唔少添！我同朋友个肚同个脑同时话，就呢间啦！
西式斋对比中式，系比较多天然嘅色彩，红菜头，菠菜，紫椰菜，各种沙律菜，蘑菇，呢D都可以同各种主食组合出缤纷靓丽的配搭，加上忌廉，芝士，榄油，黑松露，相信不难煮出一道色香味俱全的素菜吧。这只是我在等食过程中吹水时的幻想
是日餐汤本身就是素食，黑松露忌廉蘑菇汤。三种材料配搭得十分好，浓郁香醇幼滑，加上香脆的芝士蒜蓉餐麭，yummy! 朋友点的是松露芝士忌廉菠菜酿焗烧烤大蘑菇配焗薯，我就点了简单的红菜头意粉（听讲红菜头防癌哦！）我的等不多久就先上，可能不用酿不用焗啩，粉红色的意粉第一次食，应该系大红的红菜头加上白色的忌廉的结果吧，上面还跳跃著白色的芝士碎。味道甘香，红菜头本身系无突出的味道嘅，功劳应归功在调味上吧，意粉质感几弹牙，芝士食得出不是便宜货式，混合起来吃好香好有幸福感。朋友也等不及叉了几口。快食完时个酿蘑菇终于出场了，好丰满，上面的芝士烤得金黄色，感觉里面的汁水喺度滚下滚下咁，刚出炉吖嘛!刀一切落去，D绿色嘅菠菜蓉就泻晒出来，偷佢一旧薯仔点嚟试下先，真系唔错，焗薯本身就好脆好热，加埋个汁真系差D辣亲我条脷慢D，唔好再辣亲条肠噃
餐饮系包埋嘅，我就选择半价饮咗一杯banana smoothie, 仲食埋呢度嘅招牌甜品apple crumble添。原来纯素食都可以系咁精彩咁满足嘅! 下次行完山再来!
张贴