中村藤吉 (已結業)

系外国生活过时，已经听过香港开咗间来自日本嘅绿茶店，期待紧返香港个时一定要去一次，系九月头终于去到。我哋一行三人，为咗一日16份限量嘅蕨饼，九点几就已经去咗排队，仲排第二。 系the one中庭攞筹，之后上到去18楼等佢安排入去。外面景色可以望到尖沙咀，红磡，远眺中环，维港景色。入到去已经有个茶壶放咗系度，侍应话系培茶，入落口几清新，唔会话苦。因为系11点，所以点都要叫个饱肚嘅食物，就叫咗个冷抹茶乌冬定食。个乌冬系就系冇绿茶味架啦，不过个口感好弹牙，唔会话煮过头，而且我最欣赏嘅系佢哋个汁，点完之后令到成个乌冬加分。最失望嘅系佢哋个饭，上面个啲粉话系有梅子，但系就唔多感觉到，不过整体黎讲呢个定食都不错。食完main嘅，紧系要叫甜品啦。第一个就系抹茶生茶啫喱。佢啲啫喱同丸子唔会粉，但系个雪糕系超级快溶，所以食果时要快。另外，我哋都叫咗个培茶生茶啫喱。同上一样啦，比较个雪糕，我个人钟意抹茶多啲，因为我系绿茶控。但系培茶嘅茶味都好浓，睇你哋嘅个人取向啫。之后就系个抹茶加黑蜜糖冰。绵绵嘅冰唔会一旧旧，入口即溶。加咗抹茶同黑蜜糖糖浆唔会话太甜，味道适中，是一个不错之选。排咗咁耐队，终于等到抹茶蕨饼