好湯好麵

营业中

休息中

向来汤底都系日式拉面既强项，估唔到本地都有好出品～之前睇报导知就呢间面店系由酒店法国菜厨师主理，亦知道经常会大排长龙，今日特登早少少黎食。7点左右去到都有7、8个人排紧队，餐厅出面亦有标明边d款既汤面已经卖晒。今次第一次黎食，目标系试「海龙皇」，另一款热门「好头好尾」已经卖晒，下次唯有再早d黎🙈上枱第一件事相机食先～因为碗汤面只色真系太抢眼喇😆汤头饮落去唔驶问已经知系足料煲出黎，虾蟹壳煲既海鲜味出晒黎，而且唔会死咸，上面仲有层虾头油，成个汤底浓而不腻，好好味👍面底得一种冇得拣，系阳春面黎，我自己就对呢种面一般，觉得太易腍同冇口感。𩠌料方面有两只大虾、一只蚝、一旧墨鱼滑同一堆蟹肉碎。虾虽然大大只但雪藏货色，虾肉结实不过完全冇鲜味，墨鱼滑反而系最好食个样𩠌。不得不赞既系，餐厅好贴心咁会俾湿纸巾你剥完虾用，又会主动添水，唔驶加一服务费但都有好既服务。