影片
更多
2019-05-08
719 浏览
就咁讲茶米呢间餐厅你未必听过，但KiKi面你就一定知，而呢间餐厅就系同著名嘅KiKi面合作嘅。喺餐厅门口已经见到一堆KiKi面同印住KiKi logo嘅茶水bar，真系唔抬头望餐厅名都唔知间餐厅唔系叫KiKi。坐底之后环观四周大部分都系中年女仕同年轻OL。晏昼饭嘅餐牌选择唔算多，食物得捞肠粉，甜品同Set Lunch。Set Lunch系日日唔同嘅(星期一至五)，但都会有前菜，小食，主菜，甜品同一杯嘢饮，价值148蚊。另外有个厨师推介Set Lunch就会贵10蚊。星期三嘅Set Lunch我就拣咗担担面(kiki品牌),小食系凉拌青瓜鸡丝云耳，另外加咗碟个set无嘅樱花虾蟹肉捞肠粉。佢嘅前菜系几粒切开咗一半嘅蕃茄仔，蕃茄仔算甜但唔系非常新鲜。个小食系我觉得十分之难食嘅，青瓜唔够新鲜爽脆，鸡丝有一半都系鸡皮，肉非常少，唯一放得入口嘅系云耳。唔知系咪食完个咁难食嘅凉拌青瓜鸡丝云耳，个捞肠粉我觉得好食好多，樱花虾份量都几多，仲食到啖啖蟹肉，肠粉亦热辣辣软绵绵。但价钱嚟讲就贵咗啲，因为都算细碟，几啖就食晒。担担面如果你系大胃王就一定唔够，但好彩我之前食咗个肠粉，所以食埋个面啱啱好。茶米嘅担担
坐底之后环观四周大部分都系中年女仕同年轻OL。晏昼饭嘅餐牌选择唔算多，食物得捞肠粉，甜品同Set Lunch。Set Lunch系日日唔同嘅(星期一至五)，但都会有前菜，小食，主菜，甜品同一杯嘢饮，价值148蚊。另外有个厨师推介Set Lunch就会贵10蚊。
星期三嘅Set Lunch我就拣咗担担面(kiki品牌),小食系凉拌青瓜鸡丝云耳，另外加咗碟个set无嘅樱花虾蟹肉捞肠粉。
佢嘅前菜系几粒切开咗一半嘅蕃茄仔，蕃茄仔算甜但唔系非常新鲜。
个小食系我觉得十分之难食嘅，青瓜唔够新鲜爽脆，鸡丝有一半都系鸡皮，肉非常少，唯一放得入口嘅系云耳。
唔知系咪食完个咁难食嘅凉拌青瓜鸡丝云耳，个捞肠粉我觉得好食好多，樱花虾份量都几多，仲食到啖啖蟹肉，肠粉亦热辣辣软绵绵。但价钱嚟讲就贵咗啲，因为都算细碟，几啖就食晒。
担担面如果你系大胃王就一定唔够，但好彩我之前食咗个肠粉，所以食埋个面啱啱好。茶米嘅担担面唔系平时食开嘅花生肉碎辣油浓汤面，而系肉碎捞面。肉碎份量同面差不多，每食一啖面捞一啖肉碎都唔会唔够肉碎捞。虽然见唔到花生碎，但捞完个汁之后都食到啲花生味嘅。虽然担担面一般嚟讲都系辣嘅，但呢碗担担面我觉得系一啲都唔辣嘅。
甜品系茶冻，食落嘅啫喱有淡淡嘅茶味，入面有一粒蓝莓同半粒一分为二嘅草莓。水果一啲惊喜都无，我宁愿佢就咁俾个茶冻我更好。
整体嚟讲间餐厅唔算难食，如果系返工返开𠮶头，想简单食个细细地份量嘅lunch但又唔想食三文治同沙律嘅话都可以食下，但睇返个价钱，份量同食物质素嚟讲嘅话，茶米就真系麻麻地抵食啦。
张贴
