BLT Steak (已結業)

同男朋友拣咗呢一间餐厅食饭，原因系好钟意食佢个餐包，不过食咗佢个餐包之后好自然会饱咗一半，但系真系太好食，个奶油味好香浓，烟烟银银非常之好味！-讲返食物，我哋叫咗两款小食，一个主菜，两款配菜，两个人share，基本上系食唔晒😂🤣😂🤣 - 餐前小食方面，我哋叫咗吞拿鱼他他，同埋水牛芝士，两款小食各有特色，吞拿鱼他他有埋牛油果，味道好夹，因为食物新鲜，所以好好味，另外水牛芝士配火箭菜，我谂呢款唔使特别讲，应该到到都好好味🤣😂🤣因为都唔使咩特别烹调方法- 跟住主菜方面我哋叫咗t bone share ，好彩好彩好彩，我哋净系叫咗一份，因为真系好饱肚，我同男朋友两个人基本上食完呢个之后都食唔落，牛肉方面肉质鲜甜乱口，我哋叫咗三成熟，所以保留牛肉本身嘅raw 肉汁所晒喺入面，一如既往嘅出色!- 配菜方面我哋叫咗椰菜花头同埋洋葱圈椰菜花头好好食，可以试吓! 洋葱圈基本上真系食唔落啦，我建议大家唔好叫呢个，因为真系好饱肚🤣😂🤣，不过如果你话可能送下啲酒，当系小食嘅话都可以叫嘅 ，我哋真系食唔落甜品啦/ 整体来讲都推荐大家去试吓，例如系有啲咩特别嘅庆祝活动，因为佢有海景，所以食完饭之后可以出去佢个露台