板長壽司 (黃大仙中心北館) (已結業)

前排同男朋友去左食黄大仙个间板长，因为虽然上次太子个间评分比较差，但系因为4月实施防疫操施之后，防疫方面相对早前安全，而且我上次都好钟意个个平靓正烧三文鱼餐，所以我就再去食，再拣返烧三文鱼便当。今次跟餐都一样有面豉汤和沙律，面豉汤属正常，唔算太咸太淡，入面都有啲浸到好腍的冬瓜，都好入味，沙律呢到无上次太子个间咁好食，食落似普普通通的粟米沙律咁，烧三文鱼腩就一样好正，又唔会话好腥，但系美中不足系沙律酱唔系好够多，未足以令我沾晒成旧鱼，同埋无咩汁，送饭主要是用返沙律酱。以下评分以5⭐️为满分⭐️⭐️⭐️