影片
更多
2016-09-26
7807 浏览
今日系赖生同屈小姐既纪念日，屈小姐第一次陪赖生食buffet呀! 而我地既第一次buffet就因为机缘巧合之下尼左逸东酒店!赖生一早出左去接屈小姐放工一齐去啦! 好期待呢一日! 一去到呢，屈小姐已经比门口果架Movenpick雪糕车吸引住左，屈小姐话架车同佢say 紧 hello (搞乜咁似赖生平时出街话听到富豪雪糕车既召唤咁既…), 加上宽敞既座位，2个人坐4人枱，仲有櫈放埋袋，超舒适! 一坐低放好袋我地已经急不及待咁出去打左个圈睇有咩野食同影:! 屈小姐一早制定左对敌方案，就系…1)先食菜同海鲜 2)热盘同肉有兴趣嘅就夹1份，share食3)试晒先针对性食好食既野 4)Movenpick大清洗(所以网上面成日话有个为食既女朋友，的确系幸福)拎完第1转野食，我地番到去就已经见到2杯鲜橙汁同2杯水放系枱面讲讲今次战绩先…我地试左…沙律类 1) 小米沙律 (3星)- 味道ok既，但小米煮得过熟，淋得济2) 提子合桃长通粉沙律 (4星)- 好清新! 甜甜地配埋合桃脆脆既口感，几开胃- D提子超甜好味- 唯一一样缺点系长通粉熟得济淋晒3) 吞拿鱼菜沙律 (2.5星)- 出晒水- 罐头吞拿鱼捞
赖生一早出左去接屈小姐放工一齐去啦! 好期待呢一日!
一去到呢，屈小姐已经比门口果架Movenpick雪糕车吸引住左，屈小姐话架车同佢say 紧 hello (搞乜咁似赖生平时出街话听到富豪雪糕车既召唤咁既…), 加上宽敞既座位，2个人坐4人枱，仲有櫈放埋袋，超舒适!
一坐低放好袋我地已经急不及待咁出去打左个圈睇有咩野食同影:! 屈小姐一早制定左对敌方案，就系…
1)先食菜同海鲜
2)热盘同肉有兴趣嘅就夹1份，share食
3)试晒先针对性食好食既野
4)Movenpick大清洗
(所以网上面成日话有个为食既女朋友，的确系幸福)
拎完第1转野食，我地番到去就已经见到2杯鲜橙汁同2杯水放系枱面
讲讲今次战绩先…我地试左…
沙律类
1) 小米沙律 (3星)
- 味道ok既，但小米煮得过熟，淋得济
2) 提子合桃长通粉沙律 (4星)
- 好清新! 甜甜地配埋合桃脆脆既口感，几开胃
- D提子超甜好味
- 唯一一样缺点系长通粉熟得济淋晒
3) 吞拿鱼菜沙律 (2.5星)
- 出晒水
- 罐头吞拿鱼捞菜…冇特别可言
4) 黑豆沙律 (2星)
- 味道过于特别…唔识食
5)牛肉彩椒杂菜沙律 (4星)
- 好正常既沙律，菜好新鲜
- 呢个沙律既牛肉仲有牛肉味过烧牛肩扒...但超UN....
6) 沙律菜吧 (4.5星)
- 青瓜好爽甜，一流
- 菜都好新鲜好多汁
- 蕃茄仔都好有咬口同juicy
冷盘及刺身类
1) 生蚝 (4星)
- 以呢个价钱黎讲，好抵食，佢不停refill, 冇限你拎几多
- 蚝亦新鲜，但有d腥，同埋好细只 !
2) 烟三文鱼 (4星)
- 每块都好大块，亦有三文鱼味
- 但略微油腻感重左d
3) 虾 (4星)
-爽口，弹牙，鲜甜，唔算好大只，中size
- 拎到第3/4转有一两只淋啲，但极大部份都好食
- 要剥壳好麻烦，好彩有赖生!
4) 翡翠螺 (3星)
- 肉质都爽口既，但有砂!
5) 龙虾仔 (2.5星)
- 细只，冇乜虾味，而且唔太爽
- 要剥壳好麻烦，好彩有赖生! x2
6) 蓝青口 (1星)
- 咸，好咸，超咸
- 好细只同好un
7) 三文鱼刺身(4星)
- 新鲜冇雪味!
- 而且份量比得好多，出手阔绰
8) 鲷鱼刺身 (3星)
-不过不失，冇雪味但唔算新鲜野
热盘及肉类
1) 烧牛肩扒 (3星)
- 肉质可以，但略嫌冇乜牛肉味...
2) 烧茄子 (3星)
-调味唔错~~可惜系太油...
3) 烧鸡脾菇 (3星)
- 冇乜味~~~但我欣赏佢切既厚度
4) 鸡肉卷 (2.5星)
-食落似...白汁煮鸡胸肉
5) 翠肉瓜炒杂菌 (4星)
- 呢个翠肉瓜同杂菌 反而系热盘中做得唔错既一味
- 啲菇够入味，好食过烧鸡脾菇!
6) 辣油煮花螺 (2星)
- 唔够辣同酒味...而且2粒有1粒系死既...D肉散既
7) 吉列猪扒 (2.5星)
- 比大家乐早餐既吉列猪扒差....炸过晒火....超UN
- 唯一系...个沙律酱值得欣赏~~因为好多赖生中意嘅酸瓜(所以比多半星佢)
8) 清蒸比目鱼 (3.5星)
- 好大条好多肉，可惜既系冇乜鱼味
9) 芝士焗生蚝 (3.5星)
- 呢个芝士焗就唔错啦!! 芝士味香浓，不过只蚝细到揾唔到咁济...!
10) 香草焗海鲈鱼 (3.5星)
- 好味! 香草味引出左海鲈鱼既味!
- 不过OVERCOOK, 鱼肉鞋晒...
11) 薯蓉 (4.5星)
- 你又估佢唔到㖞....佢好CREAMY兼入味
- 面头啲芝士好浓味!
- 值得食下~~虽然会很饱~~
12) 咖哩炒印度香米 (2星)
- 唔够惹味...炒得太干
- 点咖哩食都唔好食
- 而且太多香料碎如花椒，八角等，要小心食...
13) 炸杂菜球 (3.5星)
- 几特别! 食得出用左好多菜同豆! 几好食
- 两个人Share一件就岩岩好
14) 杂菜咖哩 (4星)
- 香浓辣都顾及到~~呢个咖哩唔错
- 而且好多菜~~当中甘笋仲带甜~~中和番个辣度~~唔错!
- 注意 : 呢个咖哩辣DD既...
15) 鸡肉咖哩 (3星)
- 正正常常啦~~~不过鸡肉煮得太耐~~鞋左D!!
- 唔够香!
16) 印度薄饼 (2.5星)
- UM...油左D...甜甜地同埋口感似面包....我指面包舖果D白面包
- 捞埋咖哩食都OK既
甜品类
1) 焦糖炖蛋 (2.5星)
- TEXTURE 做得唔错~~好滑~~~但好似薄左D
- 太太太太甜!! 冇蛋味同香!!
2) 巴西香橙炖蛋 (1星)
- 伏!千祈唔好食...剧甜，而且甜味系黎自人工橙味...
3) 面包布甸 (3星)
- 食得既~~~但唔系真正既面包布甸~~加番D云呢拿汁都可以一战
4) 芒果布甸 (1.5星)
- 比面包舖既更难食
5) 自家制WAFFLE (3.5星)
-唔差㖞! 有得食有得玩!! 自己落手做
- 系绿茶味唔系抹茶味...奶味较重，比较甜
- 系in un texture，面头都唔系脆果只(可能我地唔识整)
- 配埋MOVENPICK食超正! (配埋4.5星)
5) 鲜果 (4星)
- 西瓜，哈蜜瓜同菠萝都好好食!!
- 但火龙果系无味的....
6) MOVENPICK 雪糕 (爆星!! 重点!!)
- 可以任食!! 有11种味咁多!!
- 我地夹埋食左14球....
- 最好味系意大利朱古力，入面夹左朱古力薄片，加添脆脆左口感既朱古力味一流
- 仲可以配左WAFFLE 同 CONE食!! 个CONE好薄好有蛋香嫁!! 正正正!!
- 个厨师仔仲好好，我地话想耍细球啲，每次拣2-3只味，佢都仲好好笑容无嫌我地烦
另外，佢地收碟同Refill野食都好快手! 我地6:30到食到9点几，都仲见佢地Refill!
食足3个几钟!慢慢食!同埋可能平日唔多人，几舒服!
#地表最强小三MOVENPICK
#你食甜品个样最可爱
#中伏个样都好好笑
#多谢你陪我食>3<
Movenpick雪糕
50 浏览
1 赞好
0 留言
张贴
