你妳 (運通洋樓) (已結業)

去完南丰妙厂之后，又到下午茶时间，上次星期日想食你妳，但大排长龙，被逼放弃。今日系平日星期四，一于同朋友去碰下运气，结果唔驶排队就有位。佢有提供下午茶餐，我地叫左一个一齐食，唔食太多，留肚食晚餐。叫左个芋见紫薯吐司(+$25) 你妳甜品套餐+仙草二号，饮古早冬瓜茶，$87。芋见紫薯吐司劲足料，爆馅劲正。两者既泥都打得好滑，微甜，好食。芋泥味比紫薯味更出。如果吐司可以更脆或者更松软是但一方就更出色。仙草2号有仙草、三色芋圆、包馅芋圆、小丸子、红豆。整体都唔错，糖水唔会过甜，仙草嫩滑，芋圆烟韧，小丸子同红豆都好多。包馅芋圆唔系好食得出同普通芋圆既分别，只系大粒啲。古早味冬瓜茶主要系我朋友饮，佢话比较淡味，但我觉得唔会。