木谷料理

营业中

休息中

如果大家系东广场谂住是但拉啲野食下，建议都唔好黎呢间食面，因为真系会浪费左你几十蚊，难食到食唔落。叫左个日式叉烧拉面，落完单走埋钱就上左个面，速度真系唔系其他店家可以媲美。但我第一啖食落去，哇，点解可以咁淋既，面质真系可以一啲弹性都冇，差唔多入口即熔，冇牙食就差唔多既。望一望入厨房原来啲都一早熟晒一盒盒加热就上得，即使系咁操作，都简啲本身有弹性啲既面吧。叉烧都唔得的，劲柴，用晒瘦肉，调味得个咸字。汤底就唔评了，如果料同面 ok ，酱油加水做汤底都得啦。食左几口放弃了，好想食个出前一丁。其实老板系好有礼貌，如果想做好间店，建议真系首先改善味道先可以有问头客。例如东广场入口果间拉面，唔系话好好食,但面质同汤底正常已经会加令人番去再食。只可以话每间生意淡泊既店都系有原因的。