漁場台風

营业中

休息中

平时dinner来食拉面就食得多(3次算唔算多?)，lunch食沾面就第一次，所以要同大家share下。11:55am未开门已经有人排队等，12:03pm就放人入去啦～(迟咗3分钟㖞) 平时夜晚拉面有四种，lunch沾面就得三种，我要左黑芝麻味，老公就要蕃茄海虾味。另外沾面有得拣冻定热，我哋叫晒两种试吓。个黑芝麻汤好香，一上枱热辣辣香喷喷，我食热面，沾热汤，会比较软(我个人喜欢较软的面)，个汤食落唔算浓，闻落好香但食落冇乜芝麻味⋯ 有点失望！至于番茄海虾味就正好多！虽然个汤主要系番茄味重，再加啲樱花虾，味道好浓郁，蕃茄味酸酸地，个汤就咁饮都得！老公食冻面，食落就弹牙d, 但食到一半个汤就冻左，不过唔紧要，因为台风有热石帮客人热返个汤 总结，我会推介番茄海虾汤配热面。不过，我觉得都系普通拉面好食啲。而旺角同荃湾两间分店，我首选都系荃湾店！因为荃湾店嘅水准好好，每次食都好好味，旺角店就有啲参差。