牧羊少年咖啡館 (香港文化博物館)

营业中

休息中

短短两个月又再次帮衬了，今日抱住想食甜品嘅心情黎食。员工都好nice。今日又好夜先食，所以冇咩人，坐得好舒服。换换口味试鲜忌廉杂菌烟三文鱼长通粉，白汁比想像中浓郁，好挂长通粉，十分出色。加上洋葱、杂菌、烟三文鱼，成个通粉都好惹味。白酒香蒜蚬肉意大利粉嘅酒味唔重，本来我会怕酒味而避开呢类意粉，结果酒味唔重所以都食到，差啲成碟食晒同桌人嘅意粉。意粉有咬口煮得绝不马虎。再叫多次小食拼盘，啖啖肉好好味。不过实在太大份了，最后都系带返屋企继续食。水果茶甜度刚刚好，够晒清新。本日主角京都春日，本来只系以为打卡用，估唔到窝夫俾想像中好食，蛋浆做得好之余，真系做到外脆内软。（搞到同桌人又挂住格仔饼喇）雪糕牛奶味浓郁，士多啤梨甜浆好甜好甜，几抢风头，对比下真士多啤梨冇咩味咁。整体唔错，不过佢系两人份，叫个阵无留意，一上菜个阵有少少吓亲，想叫嘅话记得留意吓～今日太迟黎所以冇晒Apple crumble，下次有机会好想再试！