PizzaExpress (V City) (已結業)

Item: PizzaExpress (V City)
Rating: 5
Author: franki0911

136 食记

味道

环境

服务

卫生

抵食

2801

屯门

$101-200

意大利菜薄饼无肉餐单

franki0911

等级3

亚女想食芝士pizza，谂住去萨莉亚食，点知去到发现装修紧，冇得食，亚女就开始发癫，醒起V City有间Pizza Express，反正未试过，拿拿临走过去先。咩都唔理，见有儿童餐，仲有得拣pizza，即刻叫左先。竟然先上甜品，拣左焗面包球，因应儿童餐配搭朱古力榛子酱，就系Nutella 嘅味道，面包球亦洒上糖霜，变成一份超甜嘅头盘，略嫌唔够热，如果唔系更加香，大小姐一个人啪晒成碟，我都唔敢插手。Main 拣左玛嘉丽塔皇后薄饼，焗制时间掌握得好好，芝士份量好多、焗完果个香气真系不得了，搭配茄汁好开胃，饼底薄脆。儿童餐本身有一杯果汁，但ending又有一杯迷你cappuccino (无咖啡），其实就系热朱古力，搭件饼，女话件饼唔好食，我食左，似club橙味朱古力饼嘅味道，其实配搭几好，唔会太滞。然后就到午餐，其实我都唔知自己拣左啲咩，因为首先点左两份餐，然后有两个店员分别话我知某啲菜式售罄，搞到我都乱晒，总之放低我就食啦头盘类先有焗面包球，今次系配蒜蓉牛油，讲真就食唔到蒜味，但兜牛油超香，成粒面包球塞落去点，再一啖放晒落口，牛油香同面包香混和，系欲罢不能嘅味道。再来有青菜沙律，有罗马生菜

亚女想食芝士pizza，谂住去萨莉亚食，点知去到发现装修紧，冇得食，亚女就开始发癫，醒起V City有间Pizza Express，反正未试过，拿拿临走过去先。

咩都唔理，见有儿童餐，仲有得拣pizza，即刻叫左先。

竟然先上甜品，拣左焗面包球，因应儿童餐配搭朱古力榛子酱，就系Nutella 嘅味道，面包球亦洒上糖霜，变成一份超甜嘅头盘，略嫌唔够热，如果唔系更加香，大小姐一个人啪晒成碟，我都唔敢插手。

Main 拣左玛嘉丽塔皇后薄饼，焗制时间掌握得好好，芝士份量好多、焗完果个香气真系不得了，搭配茄汁好开胃，饼底薄脆。

儿童餐本身有一杯果汁，但ending又有一杯迷你cappuccino (无咖啡），其实就系热朱古力，搭件饼，女话件饼唔好食，我食左，似club橙味朱古力饼嘅味道，其实配搭几好，唔会太滞。

然后就到午餐，其实我都唔知自己拣左啲咩，因为首先点左两份餐，然后有两个店员分别话我知某啲菜式售罄，搞到我都乱晒，总之放低我就食啦

头盘类先有焗面包球，今次系配蒜蓉牛油，讲真就食唔到蒜味，但兜牛油超香，成粒面包球塞落去点，再一啖放晒落口，牛油香同面包香混和，系欲罢不能嘅味道。

再来有青菜沙律，有罗马生菜、火箭菜同车厘茄配凯撒酱，好多火箭菜正，但酱太少唔够捞。

仲有布斯卡达面包，呢个就唔太好，个包又硬咬唔开，一咬就跌晒啲料，跟本就系包同料分开食。

主菜就叫左一份皇后薄饼，一份卡邦尼忌廉意粉，加多个side dish焗蘑菇，薄饼我冇食，有人话好多料、啖啖肉，茄汁又多又开胃，唔会干争争，睇黎评价唔错。

卡邦尼意粉，我冇估到佢有烟肉，搞到我又要撩返晒出黎，汁好香浓，份量又多，其实系好食，只系有烟肉扣左佢分。

焗蘑菇好一般，同埋好快就冻晒，好快就出水，建议上枱即食。