大利咖啡店

营业中

休息中

既然系临别秋波, 师傅当然要揾下有边几间食店仲未试过啦, 而早一排行开呢度, 就索性入去食个晏仔; 要知呢度选择又多, 行左个圈都系去间未试过嘅好, 于是就拣左呢间, 仲拿拿声揾个位坐底先! 一坐底师傅即刻睇下有咩好食, 睇左一阵最后决定柯打一碟沙爹牛肉炒河, 餐饮就要冻柠茶啦! 落完单师傅再睇下个餐牌, 发现呢度到好多野食, 而且价钱唔贵, 都几抵食咁㖞! 过左一阵沙爹牛肉炒河就送到师傅面前, 即叫即炒, 卖相都几吸引下, 不过睇真d个卖相似豉椒牛河多过似沙爹牛肉炒河; 再试下个味道, 沙爹味真系食唔出, 系有几粒菠萝喺度咁啰, 不过牛肉尚算松软, 加上炒河炒得唔算油, 都可以啦; 而冻柠茶味道一般, 不过不失啦! 总括黎讲食物质素可以, 环境一般, 服务就麻麻, 但价钱相宜, 廿八蚊碟炒河仲要连埋冻饮, 你话去边到揾呀? 师傅觉得绝对抵食, 所以有机会师傅一定会再黎, 不过翻兜机会真系唔大, 皆因发现得太迟, 为时已晚了, 笑脸值得一比!