鶴亀 (已結業)

喺isquare等睇戏期间， search附近有啲咩好食拉面，见到呢间食评唔错，而且已经以樱花虾主打。 间舖虽然系地舖，isquare行过去七分钟左右，但因为转角位，比较难发现。地方唔系好大，约十来个座位。 一坐下，叫了樱花虾沾面 ，老公就叫咗一个 辛辣拉面， 两个面都系走芽菜，感觉拉面芽菜系有啲唔搭。老公点餐先专登叫多葱，又真系俾几多下。 个样都排得几靓， 汤底我觉得唔够辛辣，浓，但 面质系我钟意食，比较粗，弹牙。沾面 我个人觉汤唔够热，但樱花虾真系好足料，而且唔会死咸。 叉烧薄身，但有4大块， 作为系尖沙咀，唔使一百蚊嘅拉面，我觉得价钱相当ok。煎饺子32蚊有五只 味道同价钱都ok。总括嚟讲呢间小店位置方便， 拉面质素好，价钱平 ，可以再嚟。