享慢煮泰 (已結業)

今晚趁最后一晚有晚市堂食，拉男朋友陪我黎食流心牛角包。我地都拣左$228既Four Course。冬荫龙虾汤流心牛角包法式龙虾汤流心牛角包平时牛角包比我既感觉系属于甜品类，估唔到咸食既牛角包别有一番风味。两个牛角包都系一切啲汤就流晒出黎，而且牛角包面保持到松脆，无变到腍晒，好食。花生酱沙嗲鸡串大大串，啖啖嫩肉，花生酱沙嗲有花生粒系入面架。烧美国生蚝配泰式辣汁超正，生蚝鲜甜，个汁同生蚝好夹，好出色。锅炒帕能咖哩鸡几惹味，我第一次食炒到干身既咖哩，令鸡肉好入味，份量又足，捞饭食一流。冬荫龙虾汁烩海鲜有青口、蚬、虾、小元贝，好丰富。个汁饮落系冬荫功汤，饮晒成碗。真空慢煮法式焦糖炖蛋口感顺滑，甜度适中。泰式奶茶流心牛角包热辣辣，真材实料，甜既流心牛角包都好食，流心程度一样甘澎湃。