爆丼屋 (已搬遷) 新店位置

同老公出旺角，经过见唔使等位，拿拿声入去作为海胆痴既我…当然系食三色海胆饭啦，食一碗够晒饱，除非好肚饿否则都唔使再加小食价钱嚟讲适中，无九龙塘果间咁贵，咁当然都无果间咁鲜甜，不过不失，好睇彩数有时食到涩同微腥，至在止下瘾咁老公唔系太好海胆，多数会叫杂锦，呢个有左口鱼左口鱼系我第二至爱，火炙左之后d鱼油真系不得了虾都算大只同新鲜，肉质弹牙佢地既子姜几好食，唔太甜亦唔太辣，解腻一流（因为老公唔好所以有得独食）如果唔使排队我会帮衬，排太耐我又觉得未去到呢个必要