影片
更多
2019-03-29
264 浏览
最爱汤饺嘅我一见到饺子屋好评如潮，立即忍唔住要去试！去之前都预左要排队，但冇谂过会咁多人！饺子屋系一个小商场入面，店面可以话完全唔起眼，但晚饭时间成层挤满哂等位嘅人，好夸张。凭住对饺子嘅执著足足等左40分钟有多先有位！！饺子口味选择都几多，想试多几款直接叫个传统四并。汤系一大重点，鱼胶淮山煲猪骨汤好香浓，而且饮极都有鱼胶，坚足料！饺子真系极大只，基本上我食到第五只已经觉得饱，皮薄但唔易散，馅调味都岩岩好，相信系用新鲜肉又冇加重味精。不过饺子馅食到唔少肥肉同筋，我较喜欢食幼滑嘅饺子馅，呢度系有咬口嘅类型。 比起汤饺，我更欣赏呢度嘅煎饺！同样懒谂所以点三并煎饺，有辣味、紫菜同芝士，同汤饺一样超大只，外皮煎得够脆，入面仲有肉汁。我就最爱芝士猪肉煎饺，加左芝士更香口。最正系呢度好贴心，叫煎饺会跟一碗汤，煎饺点都会有少少油，饮两啖汤即刻解腻！为汤饺而黎，最后竟然爱上左煎饺。事实上我好想Encore，但见到咁多人排队又好矛盾，下次再有决心一定会黎食埋其他口味！
去之前都预左要排队，但冇谂过会咁多人！饺子屋系一个小商场入面，店面可以话完全唔起眼，但晚饭时间成层挤满哂等位嘅人，好夸张。凭住对饺子嘅执著足足等左40分钟有多先有位！！
饺子口味选择都几多，想试多几款直接叫个传统四并。
汤系一大重点，鱼胶淮山煲猪骨汤好香浓，而且饮极都有鱼胶，坚足料！
饺子真系极大只，基本上我食到第五只已经觉得饱，皮薄但唔易散，馅调味都岩岩好，相信系用新鲜肉又冇加重味精。不过饺子馅食到唔少肥肉同筋，我较喜欢食幼滑嘅饺子馅，呢度系有咬口嘅类型。 
比起汤饺，我更欣赏呢度嘅煎饺！同样懒谂所以点三并煎饺，有辣味、紫菜同芝士，同汤饺一样超大只，外皮煎得够脆，入面仲有肉汁。我就最爱芝士猪肉煎饺，加左芝士更香口。最正系呢度好贴心，叫煎饺会跟一碗汤，煎饺点都会有少少油，饮两啖汤即刻解腻！
为汤饺而黎，最后竟然爱上左煎饺。事实上我好想Encore，但见到咁多人排队又好矛盾，下次再有决心一定会黎食埋其他口味！
张贴
