億饍 (已結業)

好耐无落旺角了，今日经开呢头望见誉发广场个牌，令我想起亿饍同佢地嘅炖汤。虽然呢度款式选择多多，但有左上次经验，今次醒目地一坐低即刻落左炖汤先。而除左炖汤之外，仲有泰越式小食、炒粉面饭、冬荫功火锅同龙虾都有得食呀。先黎呢个花胶乌鸡香菇炖汤，一睇就知够晒足料，而且花胶养颜，乌鸡补血，系女仕嘅最佳选择。另一个就系花旗参乌鸡排骨炖汤，花旗参味道浓厚，而且甘香味美，每一啖都系精华。一客4件嘅越式蒸粉包，用皮薄馅靓黎形容就最贴切。鲜虾够晒大只，口感十足。order左两件烧纽西兰羊架，肉汁丰富加上有少许脂肪，食落更香滑美味。由鸡牛猪肉组成串烧3兄弟，点上特制沙嗲酱，香浓惹味。虾饼炸得金黄香脆，沾上浓浓嘅酸甜酱，真系皮脆肉弹香味足呀。通常我地都会叫小食拼盘，但呢度个虾饼实在太吸引啦，小食拼盘根本唔够分。所以呢个绝对要推介。最后仲有呢个越式炒金边粉，幼身金边粉幼滑爽口，配上扎肉、鲜虾等，而爱辣嘅可随意加上辣酱，味道香浓可口。