影片
更多
2018-05-25
217 浏览
前排，同朋友去完揼骨有啲饿，系千色附近周旋咗一阵子，最终近近地系呢间616牛肉火锅专门店食个晚饭。事关决定得有啲仓促，所以未做任何Research，对于牛肉唔同部位嘅了解甚浅。但原来都唔紧要，点单用嘅PAD系菜单上系可以禁入去睇解说，除咗清晰说明咗牛肉嘅部位，连口感嘅形容都有，真系非常Friendly啊！于是系侍应嘅推荐加朋友嘅提议下，我地柯打咗一个鸳鸯酸菜牛骨汤，另外追加一啲牛肉同火锅料。酸菜驾到时真系好大阵味，可见十分足料；而牛骨汤都唔简单，份量足，味道浓郁。系等待煮汤嘅期间，行咗去混酱，酱料摆放咗系店后方，可见款式都几多，岩哂重口味人士！顺带一题，不论你混唔混酱，每位人头收HKD10咖。另外都有样有趣嘅Point，餐厅话佢地有个特别承诺就系「20分钟内，食物必到，否则此餐免费」，于是侍应就放低咗个沙漏系到。系讲紧笑要唔要出猫嘅时候，食物真系BaBa声咁好快到，果然唔系讲玩。满枱都系牛，考虑紧点分别边款打边款，餐厅真系好了解食客嘅麻烦之处，所以每碟都印有一张出菜单，咁就对自己食咗啲乜都一目了然啦！讲番先，牛肉方面我地柯打咗共五款：匙柄、牛柳、牛驼峰、牛朴肉、脖仁。个人系咁多款之中，
于是系侍应嘅推荐加朋友嘅提议下，我地柯打咗一个鸳鸯酸菜牛骨汤，另外追加一啲牛肉同火锅料。酸菜驾到时真系好大阵味，可见十分足料；而牛骨汤都唔简单，份量足，味道浓郁。系等待煮汤嘅期间，行咗去混酱，酱料摆放咗系店后方，可见款式都几多，岩哂重口味人士！顺带一题，不论你混唔混酱，每位人头收HKD10咖。
另外都有样有趣嘅Point，餐厅话佢地有个特别承诺就系「20分钟内，食物必到，否则此餐免费」，于是侍应就放低咗个沙漏系到。系讲紧笑要唔要出猫嘅时候，食物真系BaBa声咁好快到，果然唔系讲玩。满枱都系牛，考虑紧点分别边款打边款，餐厅真系好了解食客嘅麻烦之处，所以每碟都印有一张出菜单，咁就对自己食咗啲乜都一目了然啦！
牛朴肉
$48
20 浏览
0 赞好
0 留言
讲番先，牛肉方面我地柯打咗共五款：匙柄、牛柳、牛驼峰、牛朴肉、脖仁。个人系咁多款之中，最为喜欢嘅系牛朴肉，因为肉同脂肪比较平均，口感上似雪花肥牛。但朋友比较喜欢牛柳，肉感重脂肪无咁多，所以无咁溜，但我觉得牛味偏重。而脖仁、匙柄同牛驼峰都系侍应们推荐，皆颇有嚼劲且重肉香，入口感想系「非常肉感」。以上得出结论系，讲系唔会理解，要试过先知，每个人嘅喜好都唔同。但重要嘅野要讲几次：我钟意牛朴肉。
当然食咁多肉，绝对唔少得叫下其他嘅火锅料试试，于是仲柯打咗稻庭乌冬、娃娃菜同牛肉饺，咁就唔怕会太热气同食唔饱了。牛肉饺分别有六旧，包饺嘅皮滑，但留意番放太耐唔煮会有啲痴碟底，而牛肉馅包得非常饱满，而且味道调得刚刚好，不俗。
总结，我未食匀大部份肉，连我最想食嘅封门柳当日竟然售罄！怨妇一样嘅我绝对会再试埋。其实都仲有非常多嘅选择，所以识食牛肉嘅朋友绝对要试试，再介绍我。我记得除咗元朗店之外，仲有其他地区分店，咁就可以约埋唔同区嘅朋友去食封门柳啦！
张贴
