查理布朗咖啡專門店 (已結業)

多年来都系人气爆满的主题餐厅，过往经常在面书洗板，今日到自己黎潮圣了。餐厅显得有点旧但气氛良好，自助形式自己揾位点餐，食物还算多选择，但价钱绝不便宜，一个饭要九十几，饮品四十几，唔点甜品都要百五蚊个人先埋到单，仲系份量超细食完唔饱，无法啦，环境咁靓影返d相都抵返，现场真的不少人用自拍神棍，意外地多陆客，佢地都钟意史诺比咩？真系唔识啦。叫左个南瓜杂菜红白米饭，健康到爆，全素，仲要红米，个汁甜甜好有南瓜味，杂菜真系细粒到睇唔到，只有三四口份量，一阵风食完。仲叫左烟肉卡邦尼意粉，个汁几杰好黏口，呢碟份量正常返d一般细食女仔应该够饱。咖啡香甜奶滑，点了最大杯的方便坐耐d，简单拉花加上可可粉图案，几打耳㖞。最后黎杯朱古力咖啡，好甜好正好可爱，黎影相呃like啦。