醉潮館

营业中

休息中

好耐冇食过海鲜砂锅粥，见醉潮馆都几多人推介砂锅粥所以就去订位试吓。两款推介小食率先登场！牙签鸡外型好的骰，鸡粒炸浆外层加左燕麦，食起嚟更脆更有口感，一支牙签一粒，再加支啤酒啤一啤超爽皮～小米饺好cute，皮系用薯粉整嘅所以好烟韧，肉馅嘅味道好似鱼皮饺，口感唔错但偏咸，唔算大惊艳但几过瘾一试无妨。万众期待嘅砂锅粥终于嚟啦！Order左大膏蟹加两只蛏子王同花甲王一份。粥底吸收左海鲜嘅精华劲鲜甜而且褒得好绵，大膏蟹有唔少蟹膏同个粥混合，正！大膏蟹好多肉，尤其两只蟹钳啖啖肉。花甲王系一个唔错好嘅选择，爽甜得嚟冇沙，四个人仲可以差唔多一人分到两只，性价比都算高。蛏子王我冇食到，不过屋企人话一般般。铁板黑椒猪仔髀有惊喜！铁板端上嘅时候吱吱声，超震撼，劲有镬气！猪仔髀超爽嫩，加黑椒汁超惹味，$108有六大支猪仔髀，性价比极高！继砂锅粥最多like嘅菜色~椒盐鲜鱿味道都唔错，不过不失。细佬话见review有人试过潮式胡椒猪肚鸡想试试，menu又唔见，楼面话帮我问下厨房又有㖞。胡椒味唔算好重但d鸡好肥所以个汤底都几油，鸡件都算嫩滑，猪肚就一般妈咪话有d餲，$288嚟讲有d失望，可能叫多几款𩠌仲多惊喜。