古月

营业中

休息中

古月，连续七年获米芝莲推介嘅星马菜小店，一啲都唔简单。第一次嚟，样样都想试，最后都系决定叫个我未食过嘅招牌辣椒板面。呢个面嘅配料好多，包括秘制干辣椒，江鱼仔，温泉蛋，肉碎，炸蒜粒，葱粒同埋最邪恶嘅猪油渣粒，将所有配料捞匀面条食，味道既辣且丰富👍，份量亦多，唯一美中不足嘅，系成碗面冇肉到肚，对我呢啲食肉兽嚟讲，就硬系争啲啲啦。随面附送嘅汤胡椒味较重，入面两粒鱼蛋几爽滑，不过味道稍为偏甜咗少少。如果觉得个面太辣，饮呢碗汤都几可以解辣嘅。加钱叫多杯冰梅橄榄汁，酸酸甜甜，几解渴，不过味道就有少少怪，好难形容，如果你本身钟意食橄榄嘅话，可能都会钟意呢个，我呢，就麻麻啦😂。