影片
更多
2024-10-28
690 浏览
我平时都唔写食评，你话我今次几嬲几失望，要特登嚟打千字文！🙂↔️原本系因为牛大人成日book咗枱都要等两粒钟，所以之后转食质素同服务都唔错嘅牛站，但系估唔到今次经历令我对呢间火锅店有少少却步。事缘早两日已book咗星期六(26/10）晚上七点，四位，为我喺台湾嚟嘅朋友洗尘。始料未及系亚太中心䢂太多人等太慢，令到我哋过咗五分钟hold枱时间，张枱俾咗第二班客人。唔紧要嘅，最后我哋十五分钟后(即七点四）先入到座，牛站已表明九点就交枱，即不足两小时。算，都唔拗，本来食嘢都开开心心，但系喺我哋仲谂住伸手夹埋啲菜埋尾之际，突然有一位面无表情嘅女侍应(冬姑头戴眼镜)，口念著「9:00够钟交枱」，同时伸手就拎起个滚烫嘅煲就走，吓到我哋呆咗。之后佢再返埋嚟继续收拾我哋枱上嘅食物，包括熟食，我哋已经忍唔到话佢，其实你收枱可以态度好少少，你系可以十分钟前提醒客人要交枱，而唔系一嚟就拎起个煲，如果我哋夹紧嘢，你突然冲过嚟拎起个煲，我哋缩唔切，啲滚汤泼落去我哋度，边个负责？但系个女侍应继续面无表情好唔情愿，语气好晦气咁话：「我哋后面仲有客等紧，已经闹紧我哋」，我哋心谂你后面有客要急住翻枱，都唔系咁样对上一枱客
原本系因为牛大人成日book咗枱都要等两粒钟，所以之后转食质素同服务都唔错嘅牛站，但系估唔到今次经历令我对呢间火锅店有少少却步。
事缘早两日已book咗星期六(26/10）晚上七点，四位，为我喺台湾嚟嘅朋友洗尘。始料未及系亚太中心䢂太多人等太慢，令到我哋过咗五分钟hold枱时间，张枱俾咗第二班客人。唔紧要嘅，最后我哋十五分钟后(即七点四）先入到座，牛站已表明九点就交枱，即不足两小时。
算，都唔拗，本来食嘢都开开心心，但系喺我哋仲谂住伸手夹埋啲菜埋尾之际，突然有一位面无表情嘅女侍应(冬姑头戴眼镜)，口念著「9:00够钟交枱」，同时伸手就拎起个滚烫嘅煲就走，吓到我哋呆咗。
之后佢再返埋嚟继续收拾我哋枱上嘅食物，包括熟食，我哋已经忍唔到话佢，其实你收枱可以态度好少少，你系可以十分钟前提醒客人要交枱，而唔系一嚟就拎起个煲，如果我哋夹紧嘢，你突然冲过嚟拎起个煲，我哋缩唔切，啲滚汤泼落去我哋度，边个负责？
但系个女侍应继续面无表情好唔情愿，语气好晦气咁话：「我哋后面仲有客等紧，已经闹紧我哋」，我哋心谂你后面有客要急住翻枱，都唔系咁样对上一枱客？九点时段先啱啱开始，咁快有客闹你？仲未计你俾唔足两小时我？食到滚水渌脚咁？
我哋同个唔知系咪经理但系睇落高级少少嘅男人讲返刚才情况，问佢系咪公司要你哋咁样做（咁样对啲客），佢都只系重覆女侍应嘅说辞。
以上经历令我永久blacklist观塘牛站，至于其他分店，要有待观察。
张贴
