影片
更多
2023-06-06
1638 浏览
早餐时段去，门口冇人，以为唔使排，但原来条队系入面，我哋两个人等阵冇5分钟就安排咗一张四人枱，对面有个姐姐搭台。香港地茶餐厅系咁，对面唔系邋遢友就ok。早餐有唔同套餐，但菠萝油同奶茶都系单点。自己买唔系试食。菠萝油（$13）：味道唔算话好特别，但胜在热辣辣，size大件，唔会咬落去中间系空气，牛油系细件，0.5cm 厚都冇（利申之前食过其他餐厅好厚身先咁讲），但我减肥，都系好事，因为牛油可能解冻左阵，所以第一口冇话有冰火感觉，就普通咬咗一啖有油嘅包，但食到中间开始牛油溶咗，就有阵咸味，同菠萝包嘅甜好夹，整体好正！热丝袜奶茶（$20）：冇鞋口或者茶苦涩味，但我自己钟意饮茶香重啲，所以自己觉得还好，未去到我会再想饮。当日等咗都比较耐先送上嚟，楼面姐姐好忙，叫咗一位短发阿姐问，佢都唔算冇乜礼貌，仲话即刻帮我跟，但当然都系要等咗阵先送到杯嘢，几惊佢闹人，但佢又冇，所以茶餐厅都系睇运数，遇到多人同咁啱佢心情唔好就当自己唔好彩。我觉得如果菠萝油同奶茶有套餐就好好，分开点就少少贵。但如果只为菠萝油，唔计风味，就外卖算。热奶茶喺旺角仲有好多更好嘅选择。
早餐有唔同套餐，但菠萝油同奶茶都系单点。自己买唔系试食。
菠萝油（$13）：味道唔算话好特别，但胜在热辣辣，size大件，唔会咬落去中间系空气，牛油系细件，0.5cm 厚都冇（利申之前食过其他餐厅好厚身先咁讲），但我减肥，都系好事，因为牛油可能解冻左阵，所以第一口冇话有冰火感觉，就普通咬咗一啖有油嘅包，但食到中间开始牛油溶咗，就有阵咸味，同菠萝包嘅甜好夹，整体好正！
热丝袜奶茶（$20）：冇鞋口或者茶苦涩味，但我自己钟意饮茶香重啲，所以自己觉得还好，未去到我会再想饮。当日等咗都比较耐先送上嚟，楼面姐姐好忙，叫咗一位短发阿姐问，佢都唔算冇乜礼貌，仲话即刻帮我跟，但当然都系要等咗阵先送到杯嘢，几惊佢闹人，但佢又冇，所以茶餐厅都系睇运数，遇到多人同咁啱佢心情唔好就当自己唔好彩。
我觉得如果菠萝油同奶茶有套餐就好好，分开点就少少贵。但如果只为菠萝油，唔计风味，就外卖算。热奶茶喺旺角仲有好多更好嘅选择。
张贴
