鳥棲日本料理 (已結業)

我相信嚟鸟栖日本料理帮衬嘅食客，唔少都系为咗呢个而来：蓝桔富士山，饮品下面系蓝色晶莹通透嘅波子汽水，上面系甜美嘅云呢拿雪糕，入面仲放咗粒闪灯（可拣唔要，不过如果第一次嚟，为咗打卡，相信冇咩人会唔要😂），卖相一流，味道亦唔错。食物质素相对冇饮品咁出色。明太子海鲜赞岐乌冬嘅海鲜有青口，蚬肉，虾，鱿鱼等，尚算丰富，可惜乌冬煮得太腍，忌廉味亦盖过咗明太子味，感觉似普通嘅西式白汁 pasta。同样问题发生喺七味牛肉豆腐锅定食度，成个锅嘅酱汁好甜，唔太觉七味粉嘅辛辣，于是就变成一个普通嘅豆腐牛肉锅。