十二味不只是烤魚 (已結業)

好想食麻辣淡水龙虾及鱼锅呀，几经辛苦揾到黎红磡，仲可以一次过满足两个愿望添。星期六午市估唔到水静鹅飞，大把位任坐。地方宽敞舒适，空气流通，内笼装潢非常传统四川菜馆，颜色及用料都以木为主，中国味道浓厚。桂花冰，有趣有趣，未饮过就试试先。完全唔冻既？室温乍㖞。完全饮唔到桂花味，似普通奶水。红油猪耳，够麻够辣，惹味可口。软骨卜卜脆食得过瘾，猪皮又胶又弹又黏黏的，非常喜欢，味道不错，好味！香辣烤鲶鱼中辣，罕有地有鲶鱼食，梗系要试啦，仲配上窝笋、金菇、鲜腐竹、大豆芽添。辣到我出晒汗，浓郁辣椒味道隐藏著复杂香料，汤汁稍为杰身，牢牢附系烤鱼之上。中辣有点盖过鱼鲜味，少辣应该会好一点，依家系为食辣而辣。非常静态既演绎，无烟无色放系台中间，瞓左觉一样，并不是滚热辣上菜，试一口，温度尚算满意。外皮烤得香而黏口，锁住大量香辣汁，鲶鱼都几多骨，早知食桂花鱼啦。鱼肉够嫩，啖啖肉，无咩惊喜，质量合格。辣汁跟鱼肉同吃都几滞架㖞，正常依条鱼咁细，我一个人都食得晒啦。麻辣小龙虾，寻觅多时，终于都试到，但嘥鬼气啰！应该叫麻辣小龙虾壳。已经浸到变晒色，虾肉浸到缩晒水，几乎睇唔到，又鞋又韧，虾干一样！浸左几多日呀？味道好香口