莆田 (美麗華廣場2期) (已結業)

平时都比较少会去食中餐，顶多可能食下上海菜，今次就全因为出左呢个蛏子嘅推广，就特意黎食左餐福建菜。冰浸苦瓜平时食苦瓜多数都系一嚿嚿咁食，今次就试下佢呢个号称只有2 mm薄嘅苦瓜。真系正如餐牌所讲，食落更似水果，入口有清甜感觉，之后再有回甘嘅感觉，口感清新。莆田扁肉汤紫菜汤汤底入面加入咗类似鱼皮饺嘅饺子， 饮落非常重肉味，而饺子嘅肉质亦好有口感。哆头蛏炒蛋蛏子嘅份量非常多好，几乎每啖都食到。蛋唔会太咸亦唔会太浓味，唔会盖过蛏子嘅鲜味。铁板盐焗蛏子卖相不错，而且上枱时温度十足。本来以为盐焗蛏子会好似盐焗鸡咁比较咸，但实际上却唔会太食到咸味，而且以盐焗方式处理更大能突出蛏子嘅原味。莆田荔枝肉酸酸甜甜食落有啲似咕噜肉，食落有少少荔枝嘅香味，而且真系有荔枝喺入面。兴化炒米粉望落平凡嘅米粉，原来入面非常多料。 除咗有虾同蚬肉，仲有各式菇同埋蔬菜，食落爽口之余亦味道又唔会太寡。