功夫點心 (已結業)

可能细个或工作成日都饮茶，所以搞搞下变左唔多钟意，食饭...有太多选择嘛！今日破例主动约朋友来吃点心，是要还饭债(虽然最后朋友点都要夹番钱)！位于尖少咀中港城二楼平台既功夫点心，还以为会有好多人到来叹一盅两件，点知啲吉枱多到冇朋友，近乎想坐边都得，怪不得我地迟到都冇人催啦！餐厅地方尚算宽敞，可能楼底较低，所以没有装假天花遮住啲喉，墙上既灯几靓，点心纸设计都几特别，个封面成本秘笈咁，贯彻功夫既主题。点心好大路，叉烧包﹑麻茸包﹑原个马拉糕﹑逐粒叫既虾饺烧卖(2件起)﹑凤爪(有柱候酱及鲍汁拣)﹑各式肠粉等，亦有煲仔饭，饭够干身，我地点既排骨冇肥肉，味道不错！较有特色既点心冇乜，但有少人整既煎糯米鸡﹑虾春卷。其中后者好味！4个人叫左差不多20碟点心，埋单$480有找，唔算好贵。食物未至于话超得，但好味过深水埗名店呀！有茶瘾想夜晚食点心既都唔错既，食完仲可以过隔离搭夜船过大海添呀！