影片
更多
2011-09-25
739 浏览
今年阿嫂同Mr.J既生日饭,由我提议去农圃食,其实呢间餐厅我想试好耐,招牌菜都有几款,多人食会好d~一早订左位,顺便预订左每人一只糯米酿鸡翼,同埋一窝杏汁白肺汤~去到点好其他菜后,侍应先上前菜~唔好以为前菜只系花生酸菜,一碟系苦瓜,一碟系炆牛展~我唔钟意食苦瓜,不过家人话几好~至于牛展,又腍又入味,仲有腍滑既牛筋,即使系前菜都做得好认真,可以独立成馔~再来就系今日主角糯米酿鸡翼~每只非常饱满,油光立令,颜色吸引~一咬之下,真正系皮脆肉嫩,里面塞满足料炒糯米饭,有冬菇又有虾米,非常有水准~不过食左一只已经饱饱地~杏汁白肺汤亦系招牌菜之一,我其实未饮过呢种汤,上枱见到咁杰咁奶白色都觉得好够火候,饮一啖,杏汁味好浓,好似食紧甜品咁,唔系话唔好,而系饮完有少少腻滞感觉~京烤骨相对冇咁突出,肉质有点鞋,完全靠酸酸甜甜既酱汁开胃~是但,即系海鲜蒸蛋白,我既焦点不在海鲜,而系滑到似豆腐花既蛋白,师傅确实功架十足~甜品系好多食友都会点既流沙奶皇包~其实我一向唔好奶皇,不过既然系名物,又有人生日,都试一试~个包确实热力十足,奶皇暴露系空气良久仍然好烫口,d馅唔算好甜,不过始终唔系我杯茶~
一早订左位,顺便预订左每人一只糯米酿鸡翼,同埋一窝杏汁白肺汤~
去到点好其他菜后,侍应先上前菜~
唔好以为前菜只系花生酸菜,一碟系苦瓜,一碟系炆牛展~我唔钟意食苦瓜,不过家人话几好~至于牛展,又腍又入味,仲有腍滑既牛筋,即使系前菜都做得好认真,可以独立成馔~
再来就系今日主角糯米酿鸡翼~每只非常饱满,油光立令,颜色吸引~一咬之下,真正系皮脆肉嫩,里面塞满足料炒糯米饭,有冬菇又有虾米,非常有水准~不过食左一只已经饱饱地~
杏汁白肺汤亦系招牌菜之一,我其实未饮过呢种汤,上枱见到咁杰咁奶白色都觉得好够火候,饮一啖,杏汁味好浓,好似食紧甜品咁,唔系话唔好,而系饮完有少少腻滞感觉~
京烤骨相对冇咁突出,肉质有点鞋,完全靠酸酸甜甜既酱汁开胃~
是但,即系海鲜蒸蛋白,我既焦点不在海鲜,而系滑到似豆腐花既蛋白,师傅确实功架十足~
甜品系好多食友都会点既流沙奶皇包~其实我一向唔好奶皇,不过既然系名物,又有人生日,都试一试~个包确实热力十足,奶皇暴露系空气良久仍然好烫口,d馅唔算好甜,不过始终唔系我杯茶~张贴
