The Point - Pizza & Pasta (將軍澳中心) (已結業)

辛苦工作一日，放工要食个下午茶，每次行经呢间店舖都会被呢个Pizza吸引住，所以今日同同事收工黎试下先，当然要叫一份 Banana Heaven Pizza 有烤香蕉，棉花糖，杏仁片，朱古力酱，云呢拿雪糕。烤过既香蕉佢既甜味会比较出及好香，再加上烤过的棉花糖，表面系金黄色，棉花糖内系溶化又软绵绵，仲有面层唧上朱古力酱，顶仲有个云呢拿雪糕球，样样都好甜既食物放在一齐以为会甜到漏，点知又唔会，厚厚既Pizza底。热辣辣既Pizza放一个冻冰冰既雪糕上面，一块块既杏仁脆片，层次分明，非常丰富。再叫个 香草蕃茄酱家乡火鸡肉丸长通粉，蕃茄酱酸酸甜甜啱哂我地胃口。火鸡肉丸配好多芝士碎同香草，味道十分好。加多份 卡邦尼白汁意粉，半煎炸的烟肉煮得香香脆口，好有咬口。份量唔系太多，下午餐食呢个份量就啱哂。