Bingo & Cook (已搬遷) 新店位置

去九龙湾国际展贸中心睇表演，约咗几个女 朋友早啲去食嘢，佢哋拣咗好耐，不过朋友去到 “Bingo & Cook” 就话一定要喺呢间度食，因为服务员同厨师全部都系韩国“靓仔”呀！服务员净系识英文同韩文，啱晒我啲女朋友嘅style。人参鸡汤 : 充满人参嘅清香味道，而且接近有半只鸡，非常松化连骨都可以食。炸鸡 : 细细件，容易入口。新鲜炸出来热辣辣、脆卜卜，点埋酱汁零舍好味。泡菜薄饼 : 我就唔喜欢，不过朋友话韩式薄饼系咁样黏黏地淋淋地嘅。韩式猪蹄 : 斋食猪蹄冇乜味道，不过唔算太肥。但系夹住生菜同辣泡菜一齐食就完全不一样。洋葱猪扒饭 : 猪扒炸得甘香，而且仲有洋葱炒蛋配埋泡菜一同食，都好滋味。原只炸鱿弹弹面 : 原只鱿鱼点上炸浆，炸得松脆配上韩式炸酱捞粗木薯粉面。虽然野味，但都好辣。最好系全部都用纸盒上，方便赶时间都可以即刻攞走。