海街丼 (東港城)

营业中

休息中

行行下街老公又话要食下午茶，对我尼讲下午茶系食下烧卖或者捞捞捞面，但对我老公尼讲就要坐底食碗野，唯有揾间日本餐厅比佢坐底啦。餐厅无做下午茶，好在仲有午餐，见到有个特上海宝丼系有海胆既，咁梗系要一份另追加一份炸章鱼。炸章鱼比较细份，只有4粒。食惯炸鱿鱼既我觉得章鱼比较难咬，我唔识欣赏但老公觉得唔错。特上海宝丼系连餐盘咁上枱，有茶、汤、小食茄子、咸既啫喱(?)及一碗鱼生饭。鱼生饭卖相好靓，见到已经流哂口水，饭上面舖满左蟹肉、蟹籽、2只大甜虾、吞拿鱼及3大片海胆，全部都几鲜甜。饭既话捞埋左三文鱼肉、蚬仔及章鱼，老公同我都觉得捞左蚬仔及章鱼令到个饭CHEAP 左好多，章鱼既口感同个饭一啲都唔夹，而蚬仔就系有种CHEAP 既感觉，或者应该问，鱼生饭做乜要放啲熟既蚬仔？埋单时问返员工，先知道个咸既啫喱原来系寿司醋，捞落啲饭度就会变寿司饭。个饭上枱时无人介绍个啫喱，我又点会觉得佢系用尼捞饭架呢？食哂个饭我先食啫喱，因为我满心欢喜以为佢系甜品....唔紧要啦，我下次都系食返啲平价鱼生饭，特上 NO MORE。