彤 (已結業)

尖沙咀新开咗一间Omakase，所以为食妹就为大家实测啦。🤩🧐环境：装修非常精致，充满和色风格，有和风摆设例如吊柜等等。食材都系师傅现场即制。🥢北海道马粪海胆+富山湾白虾+三文鱼籽酱油渍可以见到师傅认真制作呢啲味菜嘅过程，将材料细致咁放落一个似甜品杯嘅玻璃杯上，令到成道菜更加高贵。最好嘅食法就系将虾点上海胆同三文鱼籽，咁就一次过有三重口感。🥢北海道产厚岸真蚝大大只蚝号非常抢眼，摆盘亦都好精致。啖啖肉嘅蚝非常鲜，有好突出嘅甘甜味。如果加埋佢上面嘅日本刺身水母，更加有一种滑嘟嘟嘅口感。🥢䲠鱼系用稻草烟熏烹调，所以会有淡淡嘅稻草烟香味。呢种鱼本身质感亦都非常独特，细嫩柔滑令人吃不停。🥢秋刀鱼寿司切得非常之靓，上面有一条条嘅坑纹。秋刀鱼刺身会有一种与血味，如果钟意呢种味道嘅人都可以试下。当然鱼香亦都好重，上面配有葱花可以平衡少少血味。