名堤 (已結業)

铜锣湾收工，辛苦左一日当然想好好坐下，但又想食越南菜。唔好以为实无可能，呢间楼上铺又大，又有好多卡位，坐落都几舒服。贯切咩都想试既作风，两个人叫左4样野牛油鸡翼、猪扒捞檬、咖哩牛腩煲、马拉盏炒通菜牛油鸡翼真系必必必必点！睇落平平无奇，但一咬d牛油香味出哂黎。大家见到系炸野可能会担心好油腻，但加左青柠汁之后真系唔觉得油腻食鸡翼大家可能无咩点要求肉质，但呢个鸡翼d肉好嫩好juice，第一口真系好味到呆左除左青柠外，仲附上淮盐。我就觉得唔加好d，因为觉得有种甜既味道，但加左就感觉味道丰富。我建议一只加一只唔加啦 猪扒捞檬捞檬就真系平平无奇，唯一觉得个猪扒既香料好香，唔会太咸马拉盏通菜呢个真系唔合格，马拉盏味唔够，真系得个样，而且有d油。以越南菜黎讲，呢d只系基本菜，但真系不合格咖哩牛腩煲好小系越南铺见到有咖哩食。一上枱打开盖d烟出哂黎，d咖哩香味都嗅到哂咖哩味系有，但有别于印度的香料极重、泰国的酸辣、星马的椰香。呢种真系表达唔到，好似系全部既中间牛腩食落算林，而且无渣薯仔唔算好好好林，但系d咖哩入哂味