影片
更多
2021-09-23
119 浏览
朋友最近转咗工喺观塘返工，放工后大家相约聚聚，倾吓近况。佢带咗我去「为食火锅公司」开餐，本身见为食公司呢个名已觉好熟口面，去到见到用咗狗狗🐶做餐厅Logo，我就知佢同深水埗间茶记系同一集团！观塘店其实系近牛头角地铁站多啲，但从观塘方向行过嚟都方便。观塘店估计系新开张，因为我见佢贴住海报写做紧$15优惠价嘅丼饭，同当时深水埗店一样🤣。店舖环境相当唔错，灯光明亮，座位整齐，而且墙身仲贴满可爱狗仔嘅相片😍，尽显店主对毛孩嘅热爱。我好羡慕店主可以将自己钟意嘅东西注入舖内，如果我有机会开店做老板，我都一定会咁做。餐厅晚市主力做火锅鸡煲任食套餐 🍲，分两个价位，每位收费$238或者$318，一分钱一分货，贵啲个餐就梗系有多啲嘢食啦。现时餐厅仲做紧4位送1位嘅优惠，一家人嚟食就啱哂。即使呢度系半任食，但基本上佢套餐安排嘅食物全部上哂，我哋食完之后都已经饱咗九成🤰，好夸张呢。未食正餐前，先有两款前菜，佢哋分别系枝豆同寿司姜，两样都系和风小食🎌。菜胆扣鲜鲍鱼紧随其后送上，鲍鱼几正，炆得软稔入味，不比中式酒楼嘅出品逊色，伴旁仲有几嚿西兰花伴碟添🥦。五式刺身，为咗迎合香港人对刺身嘅喜爱🍣，套餐内容仲包括刺身
朋友最近转咗工喺观塘返工，放工后大家相约聚聚，倾吓近况。佢带咗我去「为食火锅公司」开餐，本身见为食公司呢个名已觉好熟口面，去到见到用咗狗狗🐶做餐厅Logo，我就知佢同深水埗间茶记系同一集团！
观塘店其实系近牛头角地铁站多啲，但从观塘方向行过嚟都方便。观塘店估计系新开张，因为我见佢贴住海报写做紧$15优惠价嘅丼饭，同当时深水埗店一样🤣。
店舖环境相当唔错，灯光明亮，座位整齐，而且墙身仲贴满可爱狗仔嘅相片😍，尽显店主对毛孩嘅热爱。我好羡慕店主可以将自己钟意嘅东西注入舖内，如果我有机会开店做老板，我都一定会咁做。
餐厅晚市主力做火锅鸡煲任食套餐 🍲，分两个价位，每位收费$238或者$318，一分钱一分货，贵啲个餐就梗系有多啲嘢食啦。现时餐厅仲做紧4位送1位嘅优惠，一家人嚟食就啱哂。
即使呢度系半任食，但基本上佢套餐安排嘅食物全部上哂，我哋食完之后都已经饱咗九成🤰，好夸张呢。
未食正餐前，先有两款前菜，佢哋分别系枝豆同寿司姜，两样都系和风小食🎌。
菜胆扣鲜鲍鱼
8 浏览
0 赞好
0 留言
五式刺身，为咗迎合香港人对刺身嘅喜爱🍣，套餐内容仲包括刺身并盘，当中包括五款鱼生：三文鱼、希灵鱼、油甘鱼、帆立贝以及虎虾。全部都系厚切，色泽鲜丽，质素好过唔少日本餐厅。
为食宠宠鸡煲
11 浏览
0 赞好
0 留言
为食宠宠鸡煲，鸡煲都有得任食㗎，不过如果转咗打边炉就无得食返转头。🐔鸡煲好大锅，未捞匀前清晰见到佢落咗乜配料，有齐洋葱、芹菜、芫荽、蒜头、辣椒同花椒等一同爆香，非常惹味，但可惜我嗌咗BB辣🌶，辣味同麻味如果再浓一级就更好。鸡件大大件，并冇斩到碎湿湿，肉质亦都唔嚡，如果计份量，应该足起码半只。
呢个鸡煲比较特别，因为佢配埋三宝一齐食，即系有牛柏叶、猪皮同埋鱿鱼🦑。三样都系挂汁一流嘅食材，捞匀后佢哋由白𠽌𠽌嘅颜色变到上哂色。留意返，佢个锅火喉十足，但弹油嘅情况亦比较严重，要小心啲唔好整污糟衫啊⚠️。
圣子到海鲜拼盘
16 浏览
0 赞好
0 留言
蛏子皇
11 浏览
0 赞好
0 留言
手切牛肩颈
13 浏览
0 赞好
0 留言
樱桃鲜茄薯仔汤
9 浏览
0 赞好
0 留言
西班牙黑豚肉以及五宝丸拼三色饺，牛肉冇得任食，但好彩猪肉有🐷。黑豚肉都几好，起码唔会太肥，如果直接用猪腩肉会吃不消。🥟杂丸杂饺拼盘打乱咗我哋嘅步伐，估唔到夹埋每人有成八粒，款式系好丰富，但有啲食滞咗，而且入货款占多，如果细食嘅人就留肚食其他嘢好过。
另外，餐厅亦提供咗几款好啱索汤嘅食材，包括紫菜响铃同鲜鸭血等😉。
蔬菜篮置放于门口对住嘅雪柜，开头有好多🥦，但食吓食吓剩返好少，而且好似冇作补充。因此我建议大家预早拎定一篮返埋位比较稳阵。
精选甜品系椰汁炖蛋白🥚，渗透出淡淡嘅椰香同蛋味，味道唔会太浓烈，并为丰盛嘅晚餐作结。
总括嚟讲，为食公司无令人失望👍，而火锅部份就更为出色，性价比高嘅任饮任食鸡煲火锅套餐，绝对能吸引食客再次帮衬！今餐真系食到我哋捧住个肚走，系开心嘅，推介🌟。
张贴
